Bandaríski flugvélaframleiðandinn Boeing tilkynnti í dag að Dennis Muilenburg, forstjóri félagsins, hefði látið af störfum. Stjórn fyrirtækisins ákváð að breytinga væri þörf.

David Calhoun, sem er í dag stjórnarformaður Boeing, verður arftaki Muilenberg í starfi og tekur við því krefjandi verkefni að leiða félagið út úr MAX-vandanum, en greint var frá því í síðustu viku að Boeing ætlaði að stöðva framleiðslu vélanna tímabundið.

Frétt af mbl.is

Stöðva framleiðslu á MAX-vélunum tímabundið

Calhoun tekur við forstjórastarfinu 13. janúar, en þangað til þá mun fjármálastjóri Boeing taka tímabundið við stöðunni.

Staða Muilenburg hefur veikst mikið vegna MAX-skandalsins og þrýstingur hafði verið á afsögn hans. Áður var Muilenburg bæði stjórnarformaður og forstjóri, en á stjórnarfundi í haust var Calhoun fenginn inn sem stjórnarformaður.

Í tilkynningu frá Boeing segir að fyrirtækið þurfi að byggja upp traust á ný og laga samband sitt við eftirlitsaðila, viðskiptavini og alla aðra hagaðila.

Fyrirtækið lofar því í tilkynningu að starfa á algjörlega gagnsæjan hátt með bandarískum flugmálayfirvöldum, flugmálayfirvöldum í öðrum ríkjum og viðskiptavinum sínum.

Tengdar fréttir

Farþegaþota Lion Air fórst

Hluthafar höfði mál gegn stjórn Boeing

• Ryanair gerði stórinnkaup á 737 MAX-vélum
• Maxinn fer í loftið í vor
• Lögðu líf almennings í hættu
• Fjölskyldurnar ósáttar með ákvörðun Boeing

» Fleiri tengdar fréttir

Boeing

Vélarhlíf datt af í miðju flugi

• Hafnaði 400 milljón króna bónus
• Forstjóri Boeing víkur úr starfi
• „Sat þarna og starði á gatið allan tímann“
• Skemmdir í hreyflum raktar til sands

» Fleiri tengdar fréttir

• Blogga um frétt