Fá 80% af útvarpsstjóralaunum

Capacent fær greidd 80% af mánaðarlaunum sem greidd verða fyrir starf útvarpsstjóra fyrir ráðgjöf og vinnu tengda ráðningu í starfið. Hefur ráðgjafarfyrirtækið verið stjórn Ríkisútvarpsins til ráðgjafar við ráðningarferlið, en umsóknarfrestur um starfið rann út 9. desember sl.

Þar sem ekki hefur verið samið við nýjan útvarpsstjóra um laun er nákvæm tala ekki komin í ljós. Þetta staðfestir Margrét Magnúsdóttir, starfandi útvarpsstjóri. Samkvæmt ársreikningi Ríkisútvarpsins 2018 námu heildarlaun og þóknanir útvarpsstjóra 25,9 milljónir króna, eða um 2,16 milljónum í mánaðarlaun.

Margrét segir í samtali við Morgunblaðið að stjórn RÚV hafi leitað tilboða frá bæði Hagvangi og Capacent en ákveðið að taka tilboði þess síðarnefnda, að því er fram kemur í umfjöllun um mál þetta í Morgunblaðinuí dag.