WOW World gefur í skyn stóra hluti
Setja bókamerki
„Það er ágætisgangur á þessum undirbúningi. Hann hefur hins vegar tekið lengri tíma en við héldum,“ segir Gunnar Steinn Pálsson, almannatengill og talsmaður Michelle Edwards, eiganda nýja WOW air.
„Við trúum því að tíminn fram að því að við byrjum að fljúga mælist að minnsta kosti í vikum frekar en mánuðum.“
Fyrir viku hafði mbl.is eftir heimildum sínum að nýja WOW air færi í loftið um miðjan mars. Samkvæmt upphaflegum áætlunum átti flugfélagið að hefja rekstur í október í fyrra.
Í kvöld mátti sjá nýja tilkynningu frá flugfélaginu á Facebook þar sem talað var um WOW World. Spurður hvað í því felst segir Gunnar Steinn: „Þetta hugtak WOW World sem hefur sést í netheimum síðustu vikurnar er ákveðin vísbending um að það er verið að hugsa stórt og menn ætla sér stóra hluti,“ útskýrir hann en vill annars ekkert tjá sig um einstök atriði í undirbúningsferlinu.
„Skýr skilaboð til Seðlabankans“
Handteknir eftir myndatöku í Vesturbæjarlaug
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
„Á réttri leið en nokkuð í land ennþá“
Vona að Orkustofnun veiti ekki virkjunarleyfi
Handtekin eftir að tvö börn fundust látin