Stefna á að nýtt gagnaver taki til starfa í mars

Fyrirtækið Reykjavík DC, sem vinnur að því að opna nýtt gagnaver sem staðsett verður við Korputorg, gerir ráð fyrir að gagnaverið taki til starfa í næsta mánuði. Nýlega var undirritaður flutningssamningur vegna raforkuafhendingar við Landsnet og með því verður félagið fjórða gagnaver landsins til að tengjast kerfum Landsnets og tíundi stórnotandinn.

Í tilkynningu frá félaginu kemur fram að samningurinn við Landsnet sé lokahnykkurinn á þeirri vegferð að gagnaverið geti tekið til starfa, en Reykjavík DC er félag í eigu Opinna kerfa, Sýnar, Reiknistofu bankanna og Korputorgs.

• Blogga um frétt