Í beinni: Kynningarfundur vegna vaxtalækkunar

Kynningarfundur Seðlabankans vegna ákvörðunar peningastefnunefndar og fjármálastöðugleikanefndar í morgun fer fram klukkan 10:00. Hægt verður að fylgjast með beinni útsendingu hér að neðan.

Frétt af mbl.is

Lækka vexti í 1,75% - aukið svigrúm banka til lánveitinga

Ákveðið var að lækka stýrivexti bankans um 0,5 prósentur, eða niður í 1,75%. Þá var ákveðið að aflétta 2% kröfu um sveiflu­jöfn­un­ar­auka, en talið er að það muni hafa jákvæð áhrif til banka og fjármálastofnana til að auka svigrúm til nýrra útlána um allt að 350 milljarða. 

Frétt af mbl.is

„Stórar tölur sem hafa áhrif strax“

Þetta var í annað skiptið á vikutíma sem gripið hefur verið til vaxtaákvörðunar utan hefðbundinna vaxtaákvörðunardaga. Í síðustu viku lækkaði bankinn vexti einnig um 0,5 prósentur og hafa stýrivextirnir því lækkað um 1 prósentustig á viku.

Kynningin verður í höndum Ásgeirs Jónssonar seðlabankastjóra, Þórarins G. Péturssonar, framkvæmdastjóra sviðs hagfræði og peningastefnu, og Hauks C. Benediktssonar, framkvæmdastjóra fjármálastöðugleikasviðs. 

• Blogga um frétt