Bensínverð hefur lækkað mikið í Svíþjóð að undanförnu vegna lækkunar á heimsmarkaðsverði á hráolíu. Hefur það ekki verið lægra í 11 ár samkvæmt frétt sænska ríkisútvarpsins og Expressen.
Þar kemur fram að verð á 95 oktana bensíni hafi lækkað um 35 sænska aura í morgun hjá stærstu bensínsölum landsins og kostar lítrinn nú 12,28 sænskar krónur, sem eru 176,66 íslenskar krónur. Er þetta lægsta verð á bensíni í Svíþjóð frá árinu 2009.
Verð á Brent Norðursjávarolíu hefur lækkað um rúmlega 8% í morgun og er tunnan nú seld á tæpa 17 Bandaríkjadali. Vegna þessa hefur hlutabréfavísitalan lækkað um rúmt 1% frá því viðskipti hófust í kauphöllinni í Ósló í morgun.
Á vef Félags íslenskra bifreiðaeigenda kemur fram að eldsneytisverð hafi lækkað á Íslandi í gær en það er enn ódýrast hjá Costco þrátt fyrir að þar hafi það ekki lækkað síðan 19. mars.