Flugfélagið Lufthansa hefur gefið út viðvörun þess efnis að lausafé þess muni klárast innan fáeinna vikna, fái það ekki ríkisaðstoð.

Félagið tilkynnti í dag að það hefði óskað eftir aðstoð frá ríkisstjórnum Þýskalands, Austurríkis, Belgíu og Sviss. Um leið tilkynnti félagið tap upp á 1,2 milljarða evra á fyrsta fjórðungi ársins og segir í tilkynningu að búist sé við töluvert meira tapi á yfirstandandi ársfjórðungi. 

Lufthansa, sem hefur höfuðstöðvar í þýsku fjármálahöfuðborginni Frankfurt, hefur kyrrsett nærri allar flugvélar sínar og lagt fleiri en 40 þotum.

Fyrr í mánuðinum tjáði framkvæmdastjórinn Carsten Spohr starfsfólki að félagið væri að tapa einni milljón evra á hverri klukkustund sem liði.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt