Ný stjórn var kjörin á aðalfundi Félags viðskipta- og hagfræðinga, en Herdís Helga Arnalds tekur við formennsku félagsins af Birni Brynjúlfi Björnssyni. Sex ný koma inn í stjórn félagsins.
Í stjórninni sitja nú Brynja Jónbjarnardóttir, Gylfi Ólafsson, Hálfdán Steinþórsson, Herdís Helga Arnalds, Kristjana Sunna Aradóttir, Kristinn Árni Lár Hróbjartsson, Lára Hrafnsdóttir, Lilja Gylfadóttir, Tryggvi Másson og Þórarinn Hjálmarsson.
Koma þau Gylfi, Hálfdán, Kristjana, Kristinn, Lára og Tryggvi ný inn í stað Ásdísar Kristjánsdóttur, Halls Jónassonar, Hugrúnar Halldórsdóttur, Magnúsar Þorláks Lúðvíkssonar og Sölva Blöndal sem víkja úr stjórninni.