Lego hættir tímabundið að auglýsa á samfélagsmiðlum

Danski leikfangaframleiðandinn Lego hefur ákveðið að auglýsa ekki á samfélagsmiðlum í einn mánuð. Lego hefur þar með bæst í hóp fyrirtækja sem hafa ákveðið að sniðganga stærstu samfélagsmiðlana sem hafa verið harðlega gagnrýndir fyrir að taka ekki á hatursorðræð og annarri meiðandi umfjöllun. 

„Við erum staðráðin í því að hafa jákvæð áhrif á börn og þann heim sem þau munu erfa,“ segir Julia Goldin, markaðsstjóri Lego, í yfirlýsingu. Þau vilji ýta undir jákvætt stafrænt umhverfi þar sem enginn er skilinn út undan; umhverfi sem sé laust hatursorðræðu, mismunum og falsupplýsingar.

Frétt af mbl.is

Gæti sniðganga gert út af við Facebook?

AFP

Ríflega 400 fyrirtæki hafa stigið þetta skref, m.a. stórfyrirtæki á borð við Adidas, Coca-Cola, Levi's, Unilever og Starbucks. Þau eru nú hluti af herferðinni #stophateforprofit sem gengur út á að það að hætta að auglýsa á Facebook og Instagram, sem er í eigu Facebook, nú í júlí. Tilgangurinn er að hvetja forsvarsmenn Facebook til að endurskoða stefnu sína gagnvart hatursfullri orðræðu, áreitni og falsfréttum. 

Sum fyrirtæki hafa, líkt og Lego, ákveðið að hætta að auglýsa tímabundið á öllum samfélagsmiðlum í stað þess að beina spjótum sínum einvörðungu að Facebook. 

Frétt af mbl.is

Facebook grípur til aðgerða vegna falsfrétta

Talsmenn Facebook greindu frá því í síðustu viku að samfélagsmiðillinn muni útvíkka bann gegn hatursfullu efni í auglýsingum og merkja sérstaklega færslur sem eru sagðar vera fréttnæmar en brjóti gegn reglum Facebook. Þar með fetar Facebook í fótspor Twitter sem hefur bætt slíkum merkingum við tíst sem Donald Trump Bandaríkjaforseti hefur birt. 

• Blogga um frétt