Atmos Cloud hefur starfsemi

Starfsmenn Atmos Cloud sem senn hefur starfsemi.
Starfsmenn Atmos Cloud sem senn hefur starfsemi.

Atmos Cloud, nýtt skýjaþjónustufyrirtæki, hefur starsemi. Fyrirtækið sérhæfir sig í hönnun, innleiðingu og rekstri á Microsoft skýjalausnum. Auk þess er boðið upp á lausnir í rekstrarþjónustu, sjálfvirknivæðingu og verkefnastjórnun. Að baki félaginu eru gríðarlega reyndir aðilar í upplýsingatækni. Þetta kemur fram í tilkynningu frá Atmos Cloud. 

Í kjölfar áhrifa og útbreiðslu heimsfaraldur kórónuveiru hefur vinnuumhverfi fjölda fyrirtækja breyst umtalsvert. Með fjölbreyttum skýjalausnum vonast forsvarsmenn Atmos Cloud til þess að hægt verði að styðja við umrædda þróun. Á snærum fyrirtækisins er fjöldi sérfræðinga á sviði upplýsingatækni, en þeir bjóða nú fyrirtækjum upp á kennslu og aðstoð á því sviði. 

Framkvæmdastjóri Atmos Cloud er Viðar Þorláksson, en Viðar hefur undanfarin misseri starfað sem sjálfstæður stjórnendaráðgjafi og sjórnandi hjá Arion banka. „Við leggjum mikið upp úr því að þekkja og skilja viðskiptavini okkar, við trúum því að það sé forsenda þess að geta veitt framúrskarandi og áreiðanlega þjónustu til lengri tíma. Tæknilegar og viðskiptalegar ákvarðanir byggjast því á forsendum og þörfum viðskiptavina okkar og þannig viljum við innleiða og reka skýjavegferð hvers og eins fyrirtækis.“

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK