NetApp á Íslandi sú eina af 79 skrifstofum sem er opin

Íslensk skrifstofa bandaríska upplýsingatæknifyrirtækisins NetApp er eina starfsstöðin af 79 alls, í þrjátíu löndum, sem er opin. Allar hinar starfsstöðvarnar verða lokaðar a.m.k. fram í október vegna kórónuveirufaraldursins.

Jón Þorgrímur Stefánsson, forstjóri NetApp á Íslandi og tæknistjóri samstæðunnar á heimsvísu, segir að það hafi tekið heilan mánuð fyrir íslensku skrifstofuna að fá leyfi hjá höfuðstöðvum fyrirtækisins í Bandaríkjunum til að opna aftur. Strangar reglur gilda hjá fyrirtæki eins og NetApp sem skráð er á Nasdaq-hlutabréfamarkaðinn í New York og er með ellefu þúsund manns í vinnu.

Lesa má nánar um málið í ViðskiptaMogganum í dag.