Seðlabanki Evrópu hvetur stjórnendur banka til þess að falla frá arð- og bónusgreiðslum í ár. Er þetta gert til að tryggja að bankarnir séu nægjanlega vel settir til þess að takast á við efnahagslægðina sem kórónuveirufaraldurinn leysti úr læðingi.
Tilmælin gilda til nýársdags og koma í stað fyrri tilmæla sem giltu til október í ár. Segir í tilkynningu frá Seðlabanka Evrópu að þetta sé liður í að styðja við hagkerfin á óvissutímum sem þessum.