Zuckerberg metinn á 100 milljarða

Mark Zuckerberg, stofnandi og einn stærsti eigandi Facebook, er nú metinn á rúmlega 100 milljarða Bandaríkjadala, í kjölfar þess að Instagram, undirfyrirtæki Facebook, kynnti nýjan eiginleika sem líkist því sem fram fer á TikTok.

Frétt af mbl.is

Hafa 45 daga til að hætta viðskiptum við TikTok

Er Zuckerberg þannig orðinn hluti af fámennum hópi auðkýfinga sem metnir eru á 100 milljarða dala eða meira. Fyrir eru í þeim hópi einungis Jeff Bezos, stofnandi Amazon, og Bill Gates, stofnandi Microsoft.

Facebook gaf á miðvikudag út Instagram Reels, sem gerir notendum kleift að deila stuttum myndböndum til fylgjenda sinna, svipað því sem gerist á TikTok, á sérstakri efnsveitu, en hlutabréf í Facebook hækkuðu um rúmlega sex prósent við útgáfu Reels.

Framtíð hins geisivinsæla kínverska samfélagsmiðlaforrits TikTok í Bandaríkjunum er óljós, en Trump hefur tilkynnt að lokað verði fyrir TikTok í Bandaríkjunum 15. september hafi bandarískt fyrirtæki ekki keypt bandaríska hluta þess, auk þess sem hann hefur bannað bandarískum fyrirtækjum að eiga viðskipti við TikTok. 

• Blogga um frétt