Veltan dróst saman en hagnaður svipaður

Velta Mylluseturs, útgefanda Viðskiptablaðsins, Fiskifrétta og Íslenska sjómannaalmanaksins, dróst saman úr rúmum 296 milljónum árið 2018 í tæpa 281 milljón króna árið 2019, samkvæmt ársreikningi félagsins. Hagnaður félagsins nam 1,6 milljónum á síðasta ári, sem er sambærilegt við árið á undan, þegar hagnaðurinn var 1,9 milljónir.

Rekstrargjöld félagsins lækka samhliða lægri rekstrartekjum og nema þau 273 milljónum í fyrra, miðað við 290 milljónir árið á undan.

Skuldir félagsins lækka um 34 milljónir milli ára og nema tæplega 100 milljónum. Að sama skapi lækka veltufjármunir, sem aðallega samanstanda af viðskiptakröfum, úr 151 milljón í 132 milljónir milli ára.

Handbært fé í lok árs nam rúmlega 500 þúsund krónum, en var í lok árs 2018 35 þúsund krónur.

Meðalfjöldi starfsmanna var óbreyttur milli ára, eða 18 manns.

• Blogga um frétt