Michelle Roosevelt Edwards hefur ekki enn borist tilkynning um það frá Icelandair hvort áskrift hennar í nýafstöðnu hlutfjárútboði félagsins hafi verið hafnað eða ekki. Lögmaður hennar segir í samtali við mbl.is að hann trúi því að Icelandair muni á næstu dögum gera mögulegum hluthöfum viðvart um hvort þeim hafi verið hafnað eða ekki.

Frétt af mbl.is

Eftirspurn umfram framboð: 11 þúsund hluthafar

Athygli vakti að sú upphæð sem Icelandair segist hafa hafnað í nýafstöðu hlutafjárútboði kemur heim og saman við áskrift Edwards. Bogi Nils Bogason, forstjóri Icelandair, sagði áður í samtali við mbl.is að hann gæti ekki tjáð sig um einstaka áskriftir útboðsins en staðfesti þó að í einu tilviki hefði stjórn félagsins tekið þá ákvörðun að hafna áskrift. Því þykir liggja í augum uppi að um áskrift Edwards sé að ræða.

Frétt af mbl.is

Höfnuðu áskrift sem samsvarar tilboði Michelle

„Við höfum enn ekkert heyrt frá Icelandair. Ég vil trúa því að félagið setji sig í samband við þá sem skrifuðu á sig í útboðinu áður en frestur til þess að borga rennur út,“ segir Páll Ágúst Ólafsson, lögmaður Michelle Roosevelt Edwards.

Næsta miðvikudag, 23. september, þurfa þeir sem tóku þátt í hlutafjárútboði Icelandair að láta af hendi það fjármagn sem áskriftir þeirra námu.

Tengdar fréttir

Michele Roosevelt Edw­ards Ballarin

Lengi vitað af tengslum Michele við Washington

• „Við gengum eins langt og við gátum“
• Tengd við samsæriskenningar og kosningasvindl
• Dæmd til að greiða 40 milljónir
• Ekki þörf á samskiptum við áskrifendur sem er hafnað

» Fleiri tengdar fréttir

• Blogga um frétt