Garðar ráðinn forstjóri Rapyd Europe hf.

Garðar Stefánsson.
Garðar Stefánsson. Ljósmynd/Aðsend

Alþjóðlega fjártæknifyrirtækið Rapyd hefur ráðið Garðar Stefánsson sem forstjóra dótturfyrirtækisins Rapyd Europe, sem áður hét Korta, en Rapyd keypti Korta fyrr á þessu ári.

Undir forystu Garðars mun félagið einbeita sér að innri vexti og fjölgun starfsfólks á Íslandi, en um leið styðja við vaxandi umfang samstæðunnar í Evrópu. Garðar starfaði áður sem framkvæmdastjóri viðskiptasviðs Korta, að því er segir í tilkynningu. 

Jakob Már Ásmundsson, fyrrverandi forstjóri Korta, mun hefja störf hjá samstæðunni sem ráðgjafi á sviði samruna og yfirtaka.

„Framundan eru spennandi  tímar fyrir Rapyd Europe. Garðar býr yfir yfirgripsmikilli þekkingu og reynslu á þessum markaði, sem gagnast mun afar vel þegar kemur að því að takast á við áskoranir framtíðarinnar.

Við þökkum Jakobi Má kærlega fyrir afar vel unnin störf og bjóðum hann velkominn til starfa á öðrum vettvangi innan samstæðunnar,“ segir Arik Shtilman, stjórnarformaður Rapyd, í tilkynningu. 

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK