Sjö manns hefur verið sagt upp störfum hjá Landsbankanum, að sögn Rúnars Pálmasonar, upplýsingafulltrúa bankans.
„Í tengslum við skipulagsbreytingar láta sjö starfsmenn bankans af störfum. Um er að ræða starfsfólk á ýmsum sviðum bankans,“ segir Rúnar í svari við fyrirspurn mbl.is.
Hann bætir við að engar frekari uppsagnir séu fyrirhugaðar, en Vísir greindi fyrst frá.