Samherji birti í morgun auglýsingu þar sem greint er frá yfirtökutilboði félagsins til hluthafa Eimskipafélags Íslands. Er tilboðið 13,5 krónum lægra á hvern hlut en sem nemur dagslokagengi félagsins í gær.

Í síðasta mánuði bætti Samherji við sig 0,29 prósenta hlut og var þar með kominn með 30,28% af atkvæðum í félaginu. Virkjaðist þar með yfirtökuskylda.

Frétt af mbl.is

Samherji fer yfir 30% og mun gera yfirtökutilboð

Í auglýsingu Samherja kemur fram að tilboðsverðið sé 175 krónur á hlut, en það er sama verð og Samherji greiddi fyrir 0,29% hlutinn í október og jafnframt hæsta verð sem Samherji hefur keypt fyrir í Eimskipafélaginu á síðustu sex mánuðum. Markaðsgengi Eimskipafélagsins í dagslok í gær var hins vegar 188,5 krónur og er tilboð Samherja því 13,5 krónum undir því.

Markaðsverð Eimskipafélagsins tók kipp upp á við um miðjan október, eftir að hafa verið um eða undir 140 krónur á hlut frá því í apríl, eftir að áhrif kórónuveirufaraldursins komu fram, og hækkuðu nokkuð skarpt. Það var svo 21. október sem Samherji bætti við sig og fór yfir 30% yfirtökuskylduna. Við dagslok var gengi Eimskipafélagsins 182 krónur á hlut og hefur síðan haldist í eða yfir 180 krónum á hlut.

Samherji hefur gert yfirtökutilboð í Eimskipafélagið. mbl.is/Kristinn Magnússon

Gildistími yfirtökutilboðsins er frá klukkan 9:00 10. nóvember og til 17:00 8. desember.

Fram kemur í auglýsingu Samherja að félagið telji Eimskip áfram vel til þess fallið að vera áfram skráð á almennan hlutabréfamarkað og að stjórnendur Samherja bindi vonir við að eiga gott samstarf við aðra hluthafa Eimskip, en lífeyrissjóðir eru meirihlutaeigendur Eimskipafélagsins.

Tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt