Fasteignafélagið Reginn hf. hefur nú lokið stækkun á skuldabréfaflokknum REGINN280130. Þetta kemur fram í tilkynningu frá fasteignafélaginu, en umræddur flokkur er verðtryggður og tryggður með almennu tryggingafyrirkomulagi félagsins.
Seld voru skuldabréf að nafnverði 3.900 m.kr. á ávöxtunarkröfunni 2,30% og verður heildarstærð flokksins því í kjölfar stækkunar að nafnverði 6.420 m.kr. Stefnt er að uppgjöri viðskiptanna þriðjudaginn 15. desember næstkomandi.
Í kjölfar uppgjörsins verður óskað eftir töku skuldabréfanna til viðskipta á Aðalmarkaði Nasdaq Iceland. Tilgangur útgáfunnar er að endurfjármagna eldri bankalán félagsins. Íslandsbanki hafði umsjón með viðskiptunum og stækkun skuldabréfaflokksins.