Íslandsbanki lækkar vexti
Bankinn hefur sent út tilkynningu um vaxtalækkun.
mbl.is/Eggert Jóhannesson
Setja bókamerki
Útlánavextir Íslandsbanka munu lækka um allt að 0,25 prósentustig fimmtudaginn 4. desember. Innlánsvextir munu haldast að mestu leyti óbreyttir.
Frá þessu greinir bankinn í tilkynningu.
Segir í henni að yfirdráttarvextir einstaklinga og fyrirtækja muni lækka um allt að 0,25 prósentustig, og óverðtryggðir kjörvextir um 0,20 prósentustig.
Ergo-bílalán og bílasamningar lækka um 0,15 prósentustig á sama tíma og breytilegir vextir húsnæðislána lækka um 0,10 prósentustig.
Lægstu föstu vextirnir á bankamarkaði
Innlánsvextir haldist eins og áður sagði að mestu leyti óbreyttir en nokkrir reikningar bankans lækki um 0-0,25 prósentustig.
„Íslandsbanki býður áfram lægstu fasta vexti almennra húsnæðislána á bankamarkaði, bæði óverðtryggðra og verðtryggðra,“ segir í tilkynningu bankans.
Benda á Samgöngustofu sem bendir út í heim
Mikil skjálftavirkni á landinu áhyggjuefni
Kveðst tala af virðingu: „Ég er enginn dóni“
Hjón sluppu með skrekkinn
Myndskeið: Braut rúðurnar og rölti svo í burtu
Markaðurinn hitnar og leiguverð hækkar hratt