Landsvirkjun stendur í dag fyrir opnum rafrænum fundi þar sem fjallað verður um þær breytingar sem blasa við í orku- og loftslagsmálum. Hægt er að fylgjast með fundinum í beinni útsendingu á mbl.is.
„Þar eru vissulega ýmsar ógnir, en enn fleiri tækifæri. Land endurnýjanlegrar orku hefur alla burði til að losa sig við jarðefnaeldsneyti og leggja sitt af mörkum til nýrrar heimsmyndar,“ segir í tilkynningu frá Landsvirkjun.
Að loknum erindum ræða Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Hörður Arnarson, forstjóri Landsvirkjunar, um tækifærin fyrir Ísland og hvað þurfi til að hrinda þeim í framkvæmd.
Nánari upplýsingar um dagskrá fundarins.