Mánudaginn næstkomandi er alþjóðadagur kvenna, og í tilefni hans mun Kauphöllin hringja opnunarbjöllu markaðanna til heiðurs jafnrétti kynjanna.
Þetta er í fjórða sinn sem Kauphöllin tekur þátt í þessum viðburði, sem er sameiginlegur meðal kauphalla á heimsvísu, en allar Nasdaq-kauphallirnar á Norðurlöndunum, í Eystrasaltslöndunum sem og í New York taka þátt.
Katrín Jakobsdóttir forsætisráðherra hringir bjöllunni í ár.
Dagurinn er haldinn hátíðlegur í samstarfi við UN Women, Félag kvenna í atvinnulífinu og Samtök atvinnulífsins. Þema dagsins í ár er #ChooseToChallenge sem vekur máls á kynjahlutdrægni og ójafnrétti en er einnig ætlað að fagna vinnu og afrekum kvenna.