Búið var að selja 24 íbúðir á Hafnarbraut 14 í Kópavogi innan við viku eftir að þær fóru formlega í sölu miðvikudaginn í síðustu viku. Jafnframt voru 17 íbúðir fráteknar en samtals 86 íbúðir eru í húsinu.

Þar með talið var búið að taka frá þakíbúðir 501 og 502 sem kosta 119,9 og 129,9 milljónir króna.

Hafnarbraut 14 er við enda Hafnarbrautar og snýr norðurhliðin að sjó. Þaðan er óhindrað útsýni til Nauthólsvíkur og Öskjuhlíðar.

Þess má geta að á teikningum af Hafnarbraut 14 má sjá áformaða brú yfir Fossvog vestur af húsinu en brúin er hluti af fyrsta áfanga fyrirhugaðrar borgarlínu. Þá er ýmis þjónusta fyrirhuguð í hverfinu.

Selja til einstaklinga

Þorsteinn Yngvason, fasteignasali hjá Lind fasteignasölu, segir allar íbúðirnar á Hafnarbraut 14 hafa verið seldar til einstaklinga. Kaupendahópurinn sé fjölbreyttur, líkt og íbúðirnar, og allt frá fyrstu kaupendum til fólks sem er að minnka við sig.

Síðarnefnda hópnum standi til boða íbúðir með stóru alrými.

Lestu meira um málið í ViðskiptaMogganum í dag.

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir