Sýn selur óvirka farsímainnviði fyrir sex milljarða

Sýn hf. hefur undirritað samning við erlenda fjárfesta um sölu á óvirkum farsímainnviðum félagsins. Félagið mun þess í stað leigja innviðina af nýjum eigendum. Þetta kemur fram í tilkynningu frá félaginu. Kaupverðið er yfir sex milljarðar króna en samningarnir eru með fyrirvara um samþykki Samkeppniseftirlitsins.

Allur virkur farsímabúnaður verður áfram í eigu Sýnar að því er segir í tilkynningunni, en félagið á meðal annars fjarskiptafélagið Vodafone.

Áhrif viðskiptanna á EBIDTA, hagnað fyrir vexti, skatta, rýrnun og niðurgreiðslu skulda, eru sögð óveruleg þar sem afnotaréttur í kjölfar viðskiptanna verður mun lægri en sú leiguskuldbinging sem færð er niður í efnahagsreikningi félagsins. Þá eru þau sögð munu styrkja efnahagsreikning félagsins sem og lausafjárstöðu.

• Blogga um frétt