Gagnaveita Reykjavíkur (GR) skilaði 321 milljónar króna hagnaði á síðasta ári. Meginástæða jákvæðrar afkomu er fjölgun viðskiptavina á heimilis- og fyrirtækjamarkaði undanfarin ár í kjölfar ljósleiðaravæðingar GR að því er segir í fréttatilkynningu.
Nú vinnur GR að því að tengja heimili í Reykjanesbæ í samstarfsverkefni með Mílu. Á síðasta ári tengdust um 2.600 heimili í Reykjanesbæ og Árborg við ljósleiðarann.
Nú geta um 110.000 heimili og fyrirtæki tengst ljósleiðara GR og eiga kost á eitt gíg netsambandi, eða um 75% heimila á landinu.
„Netumferð jókst gríðarlega eftir að samkomutakmarkanir tóku gildi mátti sjá allt að 100% aukningu í fyrstu bylgju 2020. Innviðir GR hafa verið í stakk búnir fyrir þessa umferð og hefur kerfið haldist stöðugt þrátt fyrir aukið álag,“ segir enn fremur í tilkynningu.