Bjórinn er 25% ódýrari í nýrri verslun

Stella Artois er í hópi vinsælustu lager-bjóra á Íslandi.
Stella Artois er í hópi vinsælustu lager-bjóra á Íslandi. Ljósmynd/Stella Artois

Ný frönsk netverslun býður Stella Artois-bjór á 25% lægra verði en hægt er að kaupa bjórinn á í Vínbúðunum. Kostar f33 cl flaska 288 krónur í netversluninni, borið saman við 389 krónur í ríkisversluninni.

Í netversluninni er að lágmarki hægt að panta 24 flöskur af bjórnum eða einn kassa og er hann 2.424 krónum ódýrari en ef sama magn væri keypt í Vínbúðunum. 

Arnar Sigurðsson, eigandi Santewines SAS, sem rekur netverslunina sante.is segir að þessi kjör séu til mikilla hagsbóta fyrir neytendur og verði öðrum innflutningsaðilum hvatning til að herða sig í samkeppninni.

Sante.is býður viðskiptavinum sínum að sækja vörur sem keyptar eru á vefsíðunni á lager á Eyjarslóð á Granda en þá er einnig hægt að kaupa heimsendingu með Dropp fyrir 1.250 krónur. Þeir sem vilja fá vörurnar afhentar á afhendingarstað Dropp borga fyrir það 605 krónur.

Arnar Sigurðsson hefur um árabil flutt inn gæðavín frá Champagne …
Arnar Sigurðsson hefur um árabil flutt inn gæðavín frá Champagne og Búrgúndí. mbl.is/Kristinn Magnússon

Ódýrara þrátt fyrir heimsendingu

„Þetta er í raun bætt þjónusta við neytendur. Þú getur keypt hjá okkur bjórinn og fengið sendan heim að dyrum og samt er kassinn ódýrari en ef þú keyptir hann í Vínbúðunum. Við erum að opna þennan markað fyrir Íslendingum og færa inn í nútímann,“ segir Arnar.

Spurður út í viðtökurnar sem verslunin hefur fengið, segir hann að þær séu frábærar. Starfsfólk hafi  vart undan við að afgreiða pantanir sem streymt hafi inn síðan eldsnemma í morgun.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK