Nýtt eignastýringarsvið hjá Fossum

Anna Þorbjörg Jónsdóttir.
Anna Þorbjörg Jónsdóttir. Ljósmynd/Aðsend

Fjármálaeftirlit Seðlabanka Íslands hefur veitt Fossum starfsleyfi á sviði stýringar eigna fyrir þriðja aðila, hvort sem um er að ræða stofnanir, félög eða einstaklinga. Leyfið er viðbót við aðra þjónustu sem Fossar markaðir veita og sameinast nú einkabankaþjónusta, safnastýring og fagfjárfestaþjónusta undir nýju sviði að því er segir í fréttatilkynningu.

Fyrir starfsemi Fossa markaða á sviði eignastýringar fer Anna Þorbjörg Jónsdóttir, en hún fór fyrir fagfjárfestaþjónustu Fossa sem verður nú hluti af eignastýringarsviði félagsins. Anna Þorbjörg hefur víðtæka reynslu á bæði íslenskum og erlendum fjármálamörkuðum og hefur starfað hjá Fossum mörkuðum frá árinu 2016.

 „Eignastýring er mikilvæg viðbót við þá þjónustu sem Fossar markaðir veita á íslenskum fjármálamarkaði. Við höfum lagt áherslu á mikilvægi alþjóðlegrar eignadreifingar og bjóðum upp á gott úrval erlendra fjárfestingakosta. Með eignastýringu eykst verulega geta okkar til að þjóna viðskiptavinum okkar og hlakka ég mjög til starfsins fram undan,“ segir Anna Þorbjörg í fréttatilkynningu.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK