Evrópusambandið hefur birt nýja hagvaxtarspá sem er mun bjartsýnni en fyrri spá fyrir árið í ár og næsta ár. Þar kemur fram að góður gangur í bólusetningum og efnahagsáætlun sambandsins muni verða til þess að samdráttarskeiðinu fari að ljúka.

Samkvæmt hagspá ESB er spáð 4,3% hagvexti á evru-svæðinu í ár og 4,4% hagvexti á því næsta. Í febrúar spáði ESB því að hagvöxturinn yrði 3,8% bæði árin. 

Fyrir öll ríki ESB er spáð 4,2% hagvexti í ár og 4,4% árið 2022. Þetta er í samræmi við spá Alþjóða gjaldeyrissjóðsins. 

Skuggi Covid-19 er byrjaður að hverfa af hagkerfi Evrópu segir Paolo Gentiloni sem fer með efnahagsmál í framkvæmdastjórn ESB. 

Paolo Gentiloni kynnti hagspá ESB í dag. AFP

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt