Segja upp samningum við Init hf.

Reiknistofa lífeyrissjóða hefur sagt sig frá samnignum við Init hf. Þetta kemur fram í tilkynningu frá stjórn Reiknistofunnar. 

Init hf. hefur séð um rekstur og þróun á lífeyris-, iðgjalda- og verðbréfakerfinu Jóakim. Samið var við end­ur­skoðun­ar­fyr­ir­tækið Ernst & Young um að gera út­tekt á viðskipt­um við Init, eftir umfjöllun frétta­skýr­ingaþáttarins Kveiks á RÚV í apríl. 

Frétt af mbl.is

Ernst & Young gerir úttekt á Init fyrir lífeyrissjóði

Í þætt­in­um kom fram að stétt­ar­fé­lög og líf­eyr­is­sjóðir hefðu um ára­bil greitt háar fjár­hæðir fyr­ir rekst­ur kerf­is­ins. Af árs­reikn­ing­um fé­lags­ins að dæma virðast tug­ir millj­óna hins veg­ar hafa verið færðar inn í sér­stakt fé­lag, Init-rekst­ur, sem þó hef­ur alls eng­an rekst­ur og arður greidd­ur út úr því fé­lagi

Frétt af mbl.is

Krefst óháðrar rannsóknar á Init

Jóakim lykilkerfi í rekstri lífeyrissjóða 

Fram kemur í tilkynningu Reiknistofunnar að Jóakim sem lykilkerfi í starfi þeirra lífeyrissjóða og stéttarfélaga sem nota kerfið. Þess vegna hafi við uppsögn samningsins verið lögð áhersla á áframhaldandi rekstur þess næstu mánuði meðan Reiknistofa lífeyrissjóða tekur ákvörðun um næstu skref.

Ennfremur hefur Almar Guðmundsson verið ráðinn framkvæmdastjóri Reiknistofu lífeyrissjóða og hefur hann þegar hafið störf.