Ebenezer Böðvarsson hefur verið ráðinn til upplýsingaöryggisfyrirtækisins Syndis.
Í fréttatilkynningu frá Syndis um ráðninguna segir að Ebenezer hafi mikla reynslu í stjórnun upplýsingaöryggismála og býr hann yfir afar víðtækri þekkingu á upplýsingatækni og hugbúnaðarþróun.
Ebenezer var áður upplýsingaöryggisstjóri Borgunar í 10 ár. Hjá Syndis mun hann leggja áherslu á ráðgjöf varðandi upplýsingaöryggisstjórn og öryggismenningu hjá viðskiptavinum.
Ebenzer er m.a. faggiltur upplýsingaöryggisstjóri (CISM) og Certified Ethical Hacker (CEH). Hann hefur langa reynslu af PCI Internal Security Assessor (PCI-ISA) og ISO/IEC 27001 aðferðafræði. Þá er hann reyndur fyrirlesari um upplýsingaöryggi.