Komst í gegnum faraldurinn

Premierferðir, lítið ferðaskrifstofufyrirtæki í Bretlandi sem sérhæfir sig í ferðum á fótboltaleiki í ensku úrvalsdeildinni, á von á aukinni eftirspurn eftir ferðum þegar leikjaniðurröðun fyrir deildina kemur 16. júní. Framkvæmdastjóri fyrirtækisins, Sigurður Sverrisson, segist bjartsýnn á haustið svo lengi sem áhorfendatakmörkunum verði aflétt sem hann gerir ráð fyrir þar sem vel gengur í Bretlandi að bólusetja.

„Ég á ekki von á öðru. Það voru svo margir hópar sem báðu okkur í fyrra að koma inn aftur um leið og leikjaniðurröðunin væri komin. Þá gætu heilu ferðirnar orðið meira og minna uppseldar fljótlega vegna þess að þetta voru stórir hópar sem urðu frá að hverfa í fyrravor, sérstaklega á leiðinni til Liverpool,“ segir Sigurður.

Hann segir síðasta ár búið að vera vægast sagt sérstakt þar sem starfsemi fyrirtækisins hefur legið niðri síðan í mars og bætir við að þau hafi verið búin að undirbúa sig þrisvar fyrir enduropnun, en alltaf hafi faraldurinn sett strik í reikninginn.

Lestu meira um málið í ViðskiptaMogganum í dag.