Eva og Hafdís til Góðra samskipta

Eva Ingólfsdóttir og Hafdís Rós Jóhannesdóttir voru nýlega ráðnar sem …
Eva Ingólfsdóttir og Hafdís Rós Jóhannesdóttir voru nýlega ráðnar sem ráðgjafar hjá Góðum samskiptum. Ljósmynd/Góð samskipti

Ráðgjafarfyrirtækið Góð samskipti hefur ráðið tvo nýja ráðgjafa, þær Evu Ingólfsdóttur og Hafdísi Rós Jóhannesdóttur.

Eva er leitarsérfræðingur og ráðgjafi í ráðningardeild Góðra samskipta. Eva er með BA-gráðu í sálfræði frá Háskólanum á Akureyri og mun í haust útskrifast með meistaragráðu í mannauðsstjórnun frá Háskóla Íslands.

Hafdís Rós er ráðgjafi í almannatengslum. Hún hefur starfað í hlutastarfi hjá Góðum samskiptum meðfram námi frá árinu 2017 en var nýlega ráðin í fullt starf. Hafdís er með BS-gráðu í viðskiptafræði með áherslu á markaðssamskipti og samfélagsmiðla frá Háskólanum á Bifröst. 

Góð samskipti voru stofnuð árið 2008 sem almannatengslafyrirtæki en fóru fljótlega að bjóða víðtækari ráðgjöf til stjórnenda. Fyrirtækið víkkaði verulega út starfsemi sína vorið 2020 og starfar nú á fjórum meginsviðum: Almannatengslum, ráðningum, stefnumarkandi ráðgjöf og þjálfun stjórnenda. Framkvæmdastjóri og stofnandi Góðra samskipta er Andrés Jónsson.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK