Skiptum í þrotabúi Þriggja grænna osta er lokið. Félagið rak Ostabúðina á Skólavörðustíg í fjögur ár, árin 2015-2019.
Lýstar kröfur á búið voru 204 milljónir króna, en rúmlega sjö milljónir króna voru greiddar upp í forgangskröfur. Félagið var úrskurðað gjaldþrota af héraðsdómi 30. október 2019. Þetta kemur fram í Lögbirtingablaðinu í dag.
Jóhann Jónsson, eigandi Ostabúðarinnar, sagði í samtali við Veitingageirann að rekstarumhverfið væri „algjörlega galið“ og að kostnaður hafði verið of mikill. Fimmtán manns störfuðu hjá Ostabúðinni 2019 þegar henni var lokað.