Bain Capital stærsti hluthafi Icelandair
Setja bókamerki
Bain Capital er orðinn stærsti hluthafi Icelandair með 16,6% hlutafjár. Þetta varð ljóst á hlutahafafundi í félaginu sem haldinn var síðdegis. Þar lagði stjórn Icelandair fyrir hluthafa tillögu um að gefa út tæplega 5,7 milljarða nýrra hluta í félaginu og selja þá til Bain CApital á genginu 1,43. Nemur söluandvirðið því tæpum 8,1 milljarði króna. Til þess að tryggja þessa ráðstöfun þurftu hluthafar félagsins að falla frá forkaupsrétti að nýjum hlutum í félaginu.
Í aðdraganda hluthafafundarins hafði Úlfar Steindórsson, stjórnarformaður Icelandair, gefið það út að hann hyggðist hverfa úr stjórn og búa þar með til pláss fyrir nýjan stjórnarmann úr ranni Bain Capital. Inn í stjórnina var kjörinn í stað Úlfars, Matthew Evans, framkvæmdastjóri Bain Capital Credit. Hann hefur starfað hjá fyrirtækinu frá árinu 2009 og er með BA. gráðu frá Yale-háskóla.
Stólaskipti
Í kjölfar hluthafafundarins skipti stjórn félagsins með sér verkum. Var Guðmundur Hafsteinsson, kjörinn formaður stjórnar og Nina Jonsson tók við varaformennsku af Svöfu Grönfeldt sem þó situr áfram í stjórninni.
Ný staða uppi og óvissan meiri
Hyggjast leyfa fólki að skoða gosið
Færa slökkviliðið til nútímans
Gerir ráð fyrir 150 samningum í næstu viku
Hafa „ágætis tíma“ til úrbóta
Unnu að fullum heillindum að kaupum á TM
Bjarkey stendur við skammarbréf Svandísar