Íbúðaverð hækkaði einungis um 0,7 prósent á milli mánaða í júlí. Það er minnsta hækkun sem hefur sést síðan í febrúar samkvæmt Hagsjá Landsbankans. 

Áfram er sölutími húsnæðis stuttur og hefur styst verulega sem bendir til að spenna sé á húsnæðismarkaði. 

Hækkunin á íbúðaverði var þó misjöfn á eftir gerð húsnæðis. Fjölbýli hækkaði aðeins um 0,1 prósent en sérbýli um þrjú prósent. Vegin árshækkun mælist nú 15,4% og lækkar frá því í júní, þegar hún mældist 16%. 

Framboð minnkar

Samkvæmt upplýsingum frá Húsnæðis- og mannvirkjastofnun hefur framboð af húsnæði til sölu dregist verulega saman á höfuðborgarsvæðinu, eða um sextíu prósent á milli ára. Helst það í hendur við styttan sölutíma sem er nú að jafnaði 37 dagar en var um 51 dagur að jafnaði fyrir ári.

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt