Eigandi Icelandair Hotels mun leggja fyrirtækinu til nýtt hlutafé á komandi vikum. Þetta staðfestir Tryggvi Þór Herbertsson, stjórnarformaður þess. Í ViðskiptaMogganum í dag kemur fram að Icelandair Hotels bókfærðu 4,8 milljarða tap af starfsemi sinni á síðastliðnu ári. Tryggvi Þór staðfestir einnig að fyrri hluti yfirstandandi rekstrarárs hafi verið þungur. Hins vegar hafi lausafjárstaða fyrirtækisins verið í góðu horfi.

Núverandi eigandi hótelkeðjunnar er malasíska fjárfestingarfélagið Berjaya Corporation Berhad og mun eignarhaldið ekki breytast við hlutafjáraukninguna. Nýtt fjármagn mun allt koma úr þeim ranni.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir