Uber tapar öðru máli í Evrópu

Leigubílaþjónustan Uber tapaði í dag mikilvægu dómsmáli í Hollandi þar sem dómstóllinn féllst á kröfur stéttarfélags um að bílstjórar Uber væru starfsmenn fyrirtækisins og þar með samningsbundnir fyrirtækinu með réttindum og skyldum sem það fæli í sér. Þar með eiga bílstjórarnir rétt á lágmarkslaunum, kaffihléum og öðrum slíkum samningsbundnum réttindum.

Frétt af mbl.is

Uber tapar mikilvægu máli í Hæstarétti Bretlands

Dómurinn kemur í kjölfarið á nokkurra mánaða gömlum sambærilegum dómi sem féll í Bretlandi, en þessir dómar eru taldir afar þýðingarmiklir fyrir viðskiptamódel Uber. Í Bretlandi, eftir dóminn, samþykkti Uber í fyrsta skipti að gera ráðningasamninga við bílstjórana.

Í niðurstöðu hollenska dómsins er komist að sömu niðurstöðu og í Bretlandi og vísað til þess að samband Uber og bílstjóranna beri með sér öll einkenni hefðbundins ráðningasamkomulags. Uber hefur hins vegar sagt að fyrirtækið útvegi einungis þjónustu sem bjóði bílstjórunum að finna og para sig við viðskiptavini. Í yfirlýsingu frá fyrirtækinu í kjölfar dómsins segir að niðurstaðan sé vonbrigði og að meirihluti bílstjóranna vilji vera sjálfstæðir.

• 1 blogg um fréttina

Bloggað um fréttina

• Helga Dögg Sverrisdóttir: Var ekki samgönguráðherra