Græðir hundruð milljóna á leikjasíðu

Leikjasíðan CardGames.io hefur malað gull fyrir eiganda hennar, tölvunarfræðinginn Einar Þór Egilsson.

Í fyrra hagnaðist félag hans, Rauðás Hugbúnaður ehf., um 356 milljónir króna og árið áður nam hagnaðurinn 280 milljónum króna. Tekjur félagsins námu 344 milljónum króna í fyrra, að því er Viðskiptablaðið greinir frá. Þar kemur framframt fram að eignir félagsins nemi tæplega 1,3 milljörðum króna og að eiginfjárhlutfall þess sé 93%.

Viðmót leikjasíðunnar er einfalt. Þar geta notendur spilað ýmsa sígilda leiki sem hafa bæði verið spilaðir á borðspil og með hefðbundnum spilastokkum. Þar má nefna veiðimann, skítakall, kapal, skák og sudoku.

• Blogga um frétt