Facebook makar krókinn þrátt fyrir aðfinnslur

Mark Zuckerberg, stofnandi Facebook.
Mark Zuckerberg, stofnandi Facebook. AFP

Hagnaður Facebook var talsvert meiri en búist var við á þriðja ársfjórðungi þessa árs. Hagnaðurinn nam níu milljörðum bandaríkjadala, andvirði 1.163 milljarða króna, þrátt fyrir ásakanir á hendur tæknirisanum fyrir að hirða ekki nóg um netöryggi notenda.

Uppljóstrarinn og fyrrverandi starfsmaður Facebook Frances Haugen birti nýverið mikið magn skjala innan úr herbúðum fyrirtækisins, sem eiga að sýna að það sé uppteknara af hagnaði sínum en öryggi notenda miðilsins.

Þar að auki berast fréttir af því frá Bamdaríkjunum að Facebook hafi tekist illa að undanförnu að kveða hatursorðræðu á miðlinum í kútinn.

Um þetta sagði Mark Zuckerberg, stofnandi og eigandi Facebook, við hluthafa þess á mánudag: „Það sem við sjáum eru markvissar tilraunir til þess að nota skjöl, sem lekið hefur verið, til þess að draga upp ranga mynd af fyrirtæki okkar.“

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK