Íslandsbanki hagnast um 7,6 milljarða

Íslandsbanki hagnaðist um 7,6 milljarða króna á þriðja fjórðungi þessa …
Íslandsbanki hagnaðist um 7,6 milljarða króna á þriðja fjórðungi þessa árs. mbl.is/Eggert Jóhannesson

Hagnaður af rekstri Íslandsbanka nam 7,6 milljörðum króna á þriðja ársfjórðungi 2021, að því er fram kemur í uppgjöri bankans.

Arðsemi eigin fjár var 15,7% á ársgrundvelli, sem er yfir fjárhagslegum markmiðum bankans og spám greiningaraðila. 

Hreinar vaxtatekjur námu 8,8 milljörðum króna á þriðja árshlutafjórðungi 2021 samanborið við 8,3 milljarða króna á sama tíma í fyrra. Eignastýring, fjárfestingarbanki og verðbréfaviðskipti leiddu hækkunina.

16,6 milljarða króna hagnaður á fyrstu 9 mánuðum ársins

Hagnaður af rekstri Íslandsbanka nam 16,6 milljörðum króna á fyrstu 9 mánuðum ársins en arðsemi var 11,7% á ársgrundvelli samanborið við 2,4% á sama tíma í fyrra. Þá námu hreinar vaxtatekjur samtals 25,4 milljörðum króna á fyrstu 9 mánuðum ársins, sem er hækkun um 1,1% á milli ára og skýrist af lægra vaxatumhverfi á milli tímabila.

Hreinar fjármunatekjur námu 1,9 ma. kr. á fyrstu níu mánuðum ársins samanborið við tap á sama tíma í fyrra að fjárhæð 2,2 ma. kr. en stjórnunarkostnaður hækkaði á milli ára. Hækkunina má aðallega rekja til einskiptiskostnaðar í tengslum við skráningu bankans, aukins launakostnaðar vegna kjarasamningshækkana og kostnaðar vegna uppsagna.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK