Sérbýli lækkaði um 0,5% milli október og nóvember á meðan fjölbýli hækkaði um 1% samkvæmt tölum Hagstofunnar sem birtar voru í gær, en þá var greint frá þróun vísitölu íbúðaverðs. Hækkaði vísitalan um 0,7% milli mánaða og er það minni hækkun en síðustu mánuði. Mælist árshækkun vísitölunnar nú 17%.

Frétt af mbl.is

Verðbólgan komin í 5,1%

Í Hagsjá Landsbankans er farið nánar út í þessar breytingar og kemur þar fram að undanfarið hafi hækkanir á sérbýli alla jafna verið meiri en á fjölbýli. Því komi það ekki endilega á óvart að sjá sérbýli gefa örlítið eftir núna.

Bent er á að almennt verðlag án húsnæðis hafi hækkað um 0,16% á milli mánaða og að raunverð íbúða, þ.e. verð á íbúðum umfram annað, um 0,5%. Það sé minnsta hækkun sem sést hafi síðan í febrúar á þessu ári og mögulega til marks um að íbúðaverð þróist í auknu samræmi við annað verðlag.

Þegar mest lét í vor nam hækkun á íbúðaverð allt að 3,3% milli mánaða. Í Hagsjánni segir að of snemmt sé þó að segja til um hvort almennt sé farið að hægja á þar sem hátt hlutfall íbúða selst enn yfir ásettu verði og sölutími mælist stuttur.

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt