Jón Friðrik ráðinn framkvæmdastjóri Hlöllabáta

Jón Friðrik Þorgrímsson hefur verið ráðinn framkvæmdastjóri Hlöllabáta ehf. Hlöllabátar reka samnefnda keðju ásamt veitingastaðnum Barion í Mosfellsbæ. Tekur hann við stöðunni af Sigmari Vilhjálmssyni.

Frétt af mbl.is

Hlöllabátum skipt í tvennt

Jón Friðrik er uppalinn á Húsavík en hefur búið og starfað bæði á Akureyri og Reykjavík síðustu ár. Hann er  menntaður matreiðslumeistari og hefur undanfarin ár starfað sem stjórnandi í veitingaiðnaði.

Jón Friðrik var veitingastjóri hjá Kea hótelum frá árinu 2013 til ársins 2020 eða þar til hann var ráðinn til Hlöllabáta, þar sem hann hefur síðustu mánuði gegnt starfi framkvæmdastjóra rekstrarsviðs, að því er segir í tilkynningu frá félaginu. 

• Blogga um frétt