Deilt um vínveitingaleyfi

Sölvi Antonsson veitingamaður tók við veitingarekstri á skíðasvæði Akureyringa í Hlíðarfjalli um áramótin. Hann óskaði eftir vínveitingaleyfi á dögunum hjá bæjarráði Akureyrar sem tók jákvætt í erindið.

Við umfjöllun í bæjarráði Akureyrar í sl. viku um leyfið lagði Sóley Björk Stefánsdóttir, áheyrnarfulltrúi Vinstri grænna, fram bókun um andstöðu sína. Í samtali við Morgunblaðið sagði hún að þessi hugmynd væri alveg út í hött. Andri Teitsson bæjarfulltrúi var einn þeirra sem studdu málið í bæjarráði. Hann segir Hlíðarfjall vera vinsælan ferðamannastað sem styrkja þurfi í sessi.