Þórey Jónsdóttir til Coripharma

Þórey Jónsdóttir.
Þórey Jónsdóttir. Ljósmynd/Aðsend

Þórey Jónsdóttir hefur verið ráðin Mannauðsstjóri Coripharma. Þórey mun einnig taka sæti í framkvæmdastjórn félagsins.

Fram kemur í tilkynningu frá Coripharma að Þórey hafi yfir 10 ára reynslu af mannauðsmálum, síðast sem Framkvæmdastjóri Mannauðs og þjálfunar hjá Airport Associates á Keflavíkurflugvelli frá 2017 til þessa árs. Áður starfaði hún við mannauðsmál hjá General Electric í Osló, Noregi og hjá Motus, Íslandi.

Þórey er með BSc gráðu í viðskiptafræði frá Háskólanum í Reykjavík og MSc í leiðtoga- og skipulagssálfræði frá BI Norwegian Business School.

„Ég er ánægð með að hafa fengið þetta tækifæri. Coripharma er spennandi fyrirtæki með framúrskarandi starfsmannahóp. Ég hlakka til að takast á við þær margvíslegu áskoranir sem felast í áframhaldandi vexti félagsins,“ er haft eftir Þóreyju í tilkynningu. 

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK