SaltPay greiðir um 45 milljón króna sekt

SaltPay hét áður Borgun en skipti um eigendur og nafn …
SaltPay hét áður Borgun en skipti um eigendur og nafn árið 2020 þegar Salt Pay co. keypti það. mbl.is/Kristinn Magnússon

SaltPay hefur náð samkomulagi um að gangast undir sátt við Fjármálaeftirlit Seðlabanka Íslands (FME).

Í tilkynningu frá fyrirtækinu segir að sáttin felist í að SaltPay greiða FME sem nemur alls 44,3 milljónum króna.

Málið tengist að meginstefnu til kerfum og ferlum sem sporna eiga gegn peningaþvætti og voru til staðar áður en SaltPay keypti Borgun. Sáttin er gerð í kjölfar athugunar FME á fyrrnefndum kerfum og ferlum.

„FME hefur lagt til ákveðnar úrbætur, sem flestar tengjast atriðum sem eftirlitið hafði einnig vakið athygli á í athugunum sínum á árunum 2017 og 2018, áður en SaltPay kom til skjalanna,“ segir í tilkynningunni.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK