Sigríður í stjórn Haga

Sigríður Olgeirsdóttir, stjórnarmaður í Opnum kerfum og varamaður í bankaráði Landsbankans, mun að öllu óbreyttu taka sæti í stjórn Haga á aðalfundi félagsins sem fer fram 1. júní nk., í stað Katrínar Olgu Jóhannesdóttur. Katrín Olga, sem setið hefur í stjórn frá 2018, gaf ekki kost á sér áfram.

Tilnefningarnefnd hefur lagt til að stjórnin verði að öðru leyti óbreytt. Hana skipa í dag Davíð Harðarson, fjármálastjóri Travel Connect (sem er formaður stjórnar), Eiríkur S. Jóhannsson, stjórnarformaður Samherja, Eva Bryndís Helgadóttir, lögmaður hjá LMG lögmönnum, og Jensína Kristín Böðvarsdóttir, framkvæmdastjóri og eigandi Vinnvinn.