Amanda Blanc, ein fárra kvenkyns forstjóra FTSE (Financial Times Stock Exchange) 100 fyrirtækja, segir kynjamisrétti í viðskiptaheiminum vera að aukast og versna.
Blanc, sem er forstjóri breska tryggingafyrirtækisins Aviva, sagði í færslu á Linkedin á miðvikudag að hluthafar í Aviva hafi látið látið niðrandi ummæli í garð kvenna falla á ársfundi Aviva fyrr í vikunni.
Á meðal ummælanna sem Blanc nefndi var að hún væri „ekki rétti maðurinn í starfið“ og að hún ætti að klæðast buxum í stað kjóla eða pilsa.
„Eftir 30+ ár í fjármálaheiminum er ég frekar vön mismunandi og niðrandi ummælum eins og þau sem ég heyrði á ársfundinum í gær,“ skrifaði Blanc.
„Ég myndi vilja segja ykkur að hlutirnir hefðu skánað undanfarin ár, en það er rétt að segja að þetta hefur í raun aukist – eftir því sem ég hef tekið við hærri stöðum, þeim mun opinber er óviðunandi hegðun. Það sem kemur á óvart er að svona hlutir voru aðeins sagðir í einrúmi ... það að fólk segi svona í dag á opinberum ársfundi er ný þróun fyrir mig persónulega,“ skrifaði Blanc.
Blanc tók við stöðu forstjóra Aviva í júlí 2020, en 40% stjórnarmanna fyrirtækisins eru konur.
Blanc segist vonast til þess að framtök til að jafna hlut kynjanna í fjármálageiranum eigi eftir að gera stöðu næstu kynslóðar kvenna betri.
„En satt best að segja virðist vera langt í land; jafnvel með stuðningi frábærra og stuðningsríkra manna sem hafa tjáð sig um þessi vandamál. Það er fátt annað í stöðunni en að tvíefla baráttu okkar í sameiningu,“ skrifaði Blanc.
FTSE 100 fyrirtækin eru 100 stærstu fyrirtæki Lundúna. Konur eru forstjórar innan við tíu þeirra.