Bensínlítrinn kominn yfir 350 krónur

Víða er bensínlítrinn nú kominn yfir 350 krónur og er hann dýrastur hjá nokkrum stöðvum Olís. Þar kostar hann tæpar 357 krónur en það verð er á lítranum hjá stöðvum Olís í Vestmannaeyjum, á Suðurgötu á Akranesi, í Stykkishólmi og Hrauneyjum.

Þannig hefur spá Þórðar Gunnarssonar hagfræðings, sem m.a. hef­ur sér­hæft sig í grein­ingu á ol­íu­markaði, ræst. Hann sagði í samtali við Dagmál í byrjun mánaðar að verð fyrir lítrann færi senn í 350 krónur.

Frétt af mbl.is

Bensínið fer senn í 350 krónur á lítrann

Orkan og Costco lægst

Lægst er verðið hjá Costco, 311,6 krónur, en tekið skal fram að til þess að kaupa bensín þarf fólk að vera með aðgangskort. 

Verðið er sömuleiðis í lægri kantinum á Orkunni Bústaðavegi, Dalvegi, Mýrarvegi og Reykjavíkurvegi en þar fæst hver lítri á 320,7 krónur. ÓB á Hlíðarbraut, í Arnarsmára, Bæjarlind, Fjarðarkaupum og Hamraborg fylgir þar fast á eftir með lítrann á 320,8 krónur. Bensín fyrir sama verð er hægt að fá á Atlantsolíu á Baldursnesi á Akureyri, í Kaplakrika og á Sprengisandi. 

Frétt af mbl.is

Bensínverðið í hæstu hæðum

Eins og áður segir er verðið hæst á nokkrum stöðvum Olís en næsthæst er það á mörgum stöðvum N1 eða 352 krónur.

Á vefnum Gasvaktin.is má lesa nánar um verð á bensíni og díselolíu á degi hverjum.

Verð á olíu hefur hækkað verulega að undanförnu, m.a. vegna stríðsins í Úkraínu.

• Blogga um frétt