Verðbólgan sú hæsta síðan 2009

Árshækkun vísitölu neysluverðs er 8,8% en verðbólgan hefur ekki mælst meiri síðan í októbermánuði árið 2009. Hækkaði vísitalan nú um 1,41% á milli mánaða en verðbólgan hækkaði um 1,2% frá því í maí þegar hún mældist 7,6%.

Frétt af mbl.is

Spá um hagvöxt vænkast en verðbólguhorfur versna

Þetta kemur fram á vef Hagstofu Íslands. 

Þegar verðbólgan mældist síðast meiri, í októbermánuði 2009, mældist hún 9,7%. Síðan lækkaði hún verulega til ársins 2011 þegar hún fór aftur að rísa.

Graf/Hagstofan

10,4% hækkun á bensíni og olíum

Verð á mat og drykk hefur hækkað um 0,8% á milli mánaða en kostnaður vegna búsetu í eigin húsnæði hækkaði um 2,9%. Þá reis verð á bensíni og olíum um 10,4%.

„Síðastliðna tólf mánuði hefur vísitala neysluverðs hækkað um 8,8% og vísitala neysluverðs án húsnæðis um 6,5%,“ segir á vef Hagstofunnar.

„Vísitala neysluverðs samkvæmt útreikningi í júní 2022, sem er 547,1 stig, gildir til verðtryggingar í ágúst 2022. Vísitala fyrir eldri fjárskuldbindingar, sem breytast eftir lánskjaravísitölu, er 10.802 stig fyrir ágúst 2022.“

Fréttin hefur verið uppfærð

• Blogga um frétt