Skref í því að efla konur

Sylvía Briem Friðjónsdóttir og Eva Mattadóttir, þáttastjórnendur Normsins og athafnakonur, opnuðu nýverið netverslunina Bohéme húsið. Sylvía segir í samtali við ViðskiptaMogga að þegar þær hafi komið auga á heilsuvörurnar frá Apothékary Co. þá hafi þetta smellpassað fyrir þær. Þær hafa báðar mikinn áhuga á heilsu og að sögn Sylvíu höfðu þær lengi verið að leita að vörum af þessu tagi með svokölluðum aðlögunarefnum sem eiga að vera heilsubætandi. „Þú færð frábær gæðahráefni í tilbúinni blöndu, mjög flott vörumerki og gott verð miðað við hvað þetta eru dýr hráefni. Okkur fannst þetta eiginlega sjálfgefið.

Allt 100% náttúrulegt

Þetta er allt 100% náttúrulegt, jurtir og rótir sem gera okkur gott. Ég var búin að vera í heilsumarkþjálfaranum og læra um mikið af hráefnunum sem eru í blöndunum,“ segir Sylvía og bætir því við að hún grínist oft með það að hráefnin hafi verið blessuð af munkum í Himalajafjöllunum. „Það er ótrúlega erfitt að fá þessi hráefni og sérstaklega þannig að það sé á svona hreinu formi til þess að þú fáir sem mest út úr þeim.“ 

Nánar er fjallað um málið í ViðskiptaMogganum.